Behne Do

… inn aansuon ko

Yeh duniya tere dard se anjaan hi rahe toh accha hai. Aakhir tu kisse sahanubhooti ki umeed lagaye baitha hai? 

Yaad rakh ki tu khud hi apni taqdeer likh raha hai, kabhi apne karm se, kabhi apni choices se. Toh phir iss kahaani ki dor kisi aur ko kyun diye jaa raha hai? 

Kuchh diggaj sajjanon ne kaha hai ki teri khushi ka faisla tu khud hi karta hai, aur phir inhone hi kuchh aise rules bana diye ki khushi aapke bank balance ke size par nirbhar hone lagi. 

Aise mein jab jigri doston se comparison hone lage, insecurities badhne lage aur frustration hoti rahe toh tu kya hi kare? Isliye inhein behne de, behte rehne de… lekin yaad rakh ki isse apni uss kahaani ka ek chapter hi maan kar chal, kyunki chalte rehna hi teri kismet hai, tera karam hai. Yehi iss duniya ka sabse pehla ‘rule’ hai. 

Advertisements

Maa Ka Phone, Papa Ki Call

Apni rozmarrah ki zindagi mein humne kitni hi baar apne maa-baap ka phone ‘miss’ ya ignore kiya hoga… apne aap ko samjhate hue ki “hum kitne vyasth hai, hamare parents nahi samajhte.”

Hum roothte hai toh woh hamein mana hi lete hai, fark sirf itna hai ki bachpan mein jo kaam khilone ya chocolate se hota tha, umar ke saath saath wahi stakes badh bhi jaate hai… jaise ego jo aapke bank balance se directly proportional hoti hai, in most cases. Khair yeh kabhi aur ki baat hai, par baat yehi hai ki jahan hum apne aap ko hi bhool chuke hai, wahan Hum kisi aur ko kya yaad rakhenge. Aur phir hum proudly kahenge ki “main itni busy rehti hoon ki mahina bhar apne parents se baat nahi karti.” 

Every relationship is a matter of setting priorities. 

And all said and done, woh phone call kab aana bandh ho jaaye, aap anumaan bhi nahi laga sakte. Jis call/duty se aap door bhaag Rahe the, usi ek feeling ke liye aap ab shayad apna poora schedule change kar sakte hai. You know how they say, act before it’s late and especially take a cue from someone who craves that attention from their parent (s) long after they are gone.